Саха сирин үрдүнэн оттук сезона саҕаламмыта син балачча буолла. Ол курдук, социальнай хабааннаах эбийиэктэргэ уонна элбэх кыбартыыралаах дьиэлэргэ итиини биэрбиттэрэ. Ол эрээри, үгүс кыбартыыралар ититэр ситимнэрэ сөптөөх сылааһы биэрбэккэ тураллара иһиллэр. Итинник түгэҥҥэ хайдах буолабыт, тугу гынабыт? СӨ Судаарыстыбаннай тутууга уонна дьиэни-уоту көрөр, хонтуруоллуур управлениета маннык сүбэни-аманы биэрэр.
— Манна биири өйдөнүллүөхтээх. Биэс күн устата таһырдьа салгын температурата аҕыс кыраадыс сылаастан намыһах турдаҕына, дьиэлэргэ итии бэриллиэхтээх.
— Өскөтүн дьиэлэргэ кэмигэр итии бэриллибэтэх буоллаҕына, олохтоохтор бастаан утаа салайар хампаанньаларыгар эбэтэр дьиэни бас билээччилэр табаарыстыбаларыгар (УК, ТСЖ) этиэхтээхтэр. Ити тэрилтэлэр салалталара тута барытын быһаарсыахтаахтар.
— Улуустар олохтоохторо улуустарыгар баар биир кэлим диспетчерскэй сулууспаҕа эрийэн этиэхтээхтэр. Дьокуускай олохтоохторо биир кэлим диспетчерскэй сулууспатын 44-42-29, 44-42-51, 44-45-64 диэн нүөмэрдэригэр эрийэн этэр бырааптаахтар.
— Өскөтүн эһиги үҥсүүгүтүгэр тустаах хампаанньалар кыһаллыбат буоллахтарына, СӨ Судаарыстыбаннай тутууга уонна дьиэни-уоту көрөр, хонтуруоллуур управлениетыгар этиллиэхтээх. Ол курдук, ugszhn@sakha.gov.ru диэн электроннай почтаҕа анал сурук хаартыскатын ыытыаххытын сөп. Эбэтэр судаарыстыбаннай өҥөнү оҥорор порталга (dom.gosuslugi.ru) ОДьКХ систиэмэҕэ киирэн ыытыллар.
— Итини тэҥэ, Дьокуускай куорат Аммосов уулуссатын 8-гар кэлэн, үҥсүү суруккутун маҥнайгы этээскэ баар докумуону тутар отделга биэриэххитин эмиэ сөп.