Саха сирин олохтоохторо социальнай гаастааһын бырагырааматынан дьиэҕэ гаас киллэрэллэригэр анаан «Газификация жилого дома» диэн кирэдьиит ылыахтарын сөп буолла. Ставката 13 бырыһыантан үрдүө суоҕа.
Бу үбү туһанан учаастак иһигэр гааһы киллэттэриэххэ, гаас тэрилин, билиитэни ылыахха сөп.
Бырамыысыланнаска уонна геологияҕа министиэристибэ иһитиннэрэринэн, учаастакка диэри босхо гааһы киллэрэргэ 4 тыһыынча кэриҥэ дьиэ хапсар эбит. Маныаха иһинээҕи холбонууну уонна гаас тэрилинэн хааччыллыыны дьиэ хаһаайына быһаарар эбээһинэстээх.
Кирэдьиити ыам ыйын 31 күнүттэн «Алмаасэргиэнбаантан» ылыахха сөп. Дьиэ иһигэр гааһы киллэрии, тэрили атыылаһыы уопсай суумата ортотунан 150 тыһыынча солкуобайга тэҥнэһэр. Оттон кирэдьиити саамай эбээбитэ 500 тыһыынча солкуобайга биэрэллэр. Баан 13 бырыһыаҥҥа сэттэ сыл төлүүргэ харчыны кирэдьииккэ оҥоруоҕа. Оттон биэнсийэлээхтэргэ уонна хамнастарын бу баантан ылар килийиэннэргэ ставка 12 бырыһыаҥҥа тэҥнэһиэҕэ. Маныаха «Карта жителя Якутии» баара ирдэнэр.
Бу туһунан якутия-дэйли саайт иһитиннэрэр.