Сүбэһит

Дьиэ былаһааккатыгар, көрүдүөргэ хоспох оҥоруохха сөп дуо?

Судаарыстыбаннай тутуу уонна олох-дьаһах надзорун управлениетыгар  элбэх кыбартыыралаах дьиэ олохтооҕуттан  дьиэ (кирилиэс) былаһааккатыгар  дьоҕус хоспоҕу (кыладыапканы) оҥорор сокуон быһыытынан сөптөөҕүн-сөбө суоҕун туһунан  ис хоһоонноох ыйытыы-сурук киирбит.

Сокуон быһыытынан (ч.1 п.1 ст.36 ЖК РФ), элбэх кыбартыыралаах дьиэ хаһаайыттарын бас билиилэригэр  олорор кыбартыыралара эрэ киирэр, оттон уопсай көрүдүөр (кирилиэс) былаһаакката, лифт,  тэхиньиичэскэй этээстэр бас билиинэн ааҕыллыбаттар. Онон  тустаах хоспоҕу (кыладыапканы) оҥорор инниттэн,  уопсай мунньах ыытыллыахтаах уонна олохтоохтор улахан аҥаардара сөбүлэстэхтэринэ эрэ, сөптөөх быһаарыныы ылыллар.
«Өскөтүн уопсай бас билиигэ тустаах уларытыы киирбэтэх буоллаҕына,  ону-маны тутуу, оҥоруу сокуоннайа суоҕунан ааҕыллар. Бу хоспоҕу (кыладыапканы) тутууга эмиэ сыһыаннаах», — диэн Судаарыстыбаннай тутуу уонна олох-дьаһах надзорун управлениетын салайар Павел Аргунов быһаарар.

0
0