Уопсастыба

Дезинфекция үлэтин оҥорбот буоллахтарына ханна үҥсэбитий?

Быһа биэриигэ киирбит 500 ыйытыыттан, дьону сүрүннээн дезинфекция үлэтэ эмиэ долгутара көһүннэ.

— Элбэх кыбартыыралаах дьиэлэргэ дезинфекция үлэтин оҥорбот буоллахтарына ханна үҥсэбитий диэн Ил Дархантан ыйыттылар.

— Бастатан Туран, дьиэҕэ сыһыарыллыбыт салайар хампаанньаҕа сибээскэ тахсан сайаапка түһэриллэр уонна сайаапка нүөмэрин сурунар, бэлиэтэнэр наада. Өскөтүн, салайар хампаанньа туох да миэрэ ылбатаҕына, Дьокуускай куорат биир кэлим диспиэччэрискэй сулууспатыгар сибээскэ тахсар наада: 44-42-29, 44-42-51 . Манна сайаапка хаалларыллар эбэтэр олорор оройуон быраабатыгар  сибээскэ тахсар эмиэ тоҕоостоох. Күн ахсын элбэх кыбартыыралаах дьиэлэр подъезтарыгар санитарнай үлэ ыытылларын кинилэр хонтуруоллууллар.  Роспотребнадзор ирдэбилинэн, күннэтэ элбэх кыбартыыралаах дьиэлэр көрүдүөрдэригэр, дьон элбэхтэ таарыйар сиригэр(аан тутааҕа, лифт кунуопкалара), ону сэргэ, нэдиэлэҕэ иккитэ сииктээх тирээпкэн мустаны сууйуу үлэтэ ыытыллыахтаах. Өскөтүн, манна даҕаны миэрэ ылыллыбатаҕына, Роспотребнадзор  управлениетыгар эрийиэххэ сөп: 8(4112) 44-61-28 үлэ кыраапыга: бэн-бтн 9.00- 13.00, 14.00-17.00 чааска диэри.

Ульяна Захарова

 

0
0

Добавить комментарий