Маны аах Уопсастыба

Дезинфекция үлэтэ нэдиэлэ ахсын ыытыллыа

Дьокуускайга атыы-эргиэн бары эбийиэктэрэ нэдиэлэ ахсын кыраапык быһыытынан  булгуччу дезинфекцияланыахтара. Бу туһунан Дьокуускай куорат дьаһалтатын пресс-сулууспата иһитиннэрэр. 

Дьокуускайга эпидемиологическай балаһыанньа уустугурбутунан, СӨ Ил Дарханын ыйааҕар олоҕуран уонна Дьокуускай куорат коронавируһу бохсууга үлэлэһэр суһал ыстаап быһаарыытынан, СӨ Роспотребнадзор управлениетын сүбэтин учуоттаан,  атыы-эргиэн тэрилтэлэрэ, атыылыыр уонна аралдьытар кииннэр, атыы-эргиэн кииннэрэ, комплекстара, дьаарбаҥкалар, ырыынактар нэдиэлэ бастакы уонна иккис күннэригэр 08:00 чаастан 13:00 чааска диэри кыраапыгынан дезинфекция үлэтин ыытыахтаахтар.

2022 сыл тохсунньу 22 күнүнээҕи 41р №-дээх «Дьокуускай куорат сиригэр-уотугар коронавируһу (COVID-19) тарҕаппат туһуттан эбии миэрэлэри ылыы туһунан» Дьокуускай куорат дьаһалтата бигэргэппит кыраапыгынан, киин куорат сиригэр-уотугар баар бары кууһунан уонна кууһунан-биирдиилээн атыылыыр сирдэр, атыы-эргиэн уонна аралдьытар кииннэр, атыы-тутуу кииннэрэ, комплекстара, дьаарбаҥкалар, ырыынактар, о.д.а. бас билииттэн уонна ИП буоларыттан тутулуктаммакка, нэдиэлэ бастакы күнүгэр 08.00 чаастан 13.00 чааска диэри атыы-тутуу эбийиэгин сабан туран бары былаһааккаларга дезинфекция үлэтин булгуччу тэрийиэхтээхтэр.

Дьокуускай куорат сиригэр-уотугар аһы-үөлү атыылыыр уонна аһы-үөлү кытта тэҥҥэ табаары эмиэ атыылааччынан дьарыгырар атыы-тутуу тэрилтэтэ бас билииттэн тутулуга суох уонна ИП,  эбийиэги сабан туран бары атыылыыр былаһааккаларга нэдиэлэ иккис күнүгэр 08.00 чаастан 13.00 чааска диэри дезинфекцияны оҥоруохтаахтар.

Атыы-эргиэн эбийиэктэрин дезинфекциялааһын туспа дьаһал тахсыар диэри салҕанар. Дьаһал толору тиэкиһин  манна көрүөххэ сөп.

0
0
Telegram @edersaas20