Уопсастыбаннай тырааныспардарга, пуортарга, тимир суолга үлэлиир дъону бэрэбиэркэлиир үлэ тохтообокко барар.
Ол курдук, тырааныспар уонна суол хаһаайыстыбатын министиэристибэтэ иһитиннэрбитинэн, тас дойдуттан кэлбит тырааныспардары дезинфекциялааһын үлэтэ ыытыллар. Тастан киирии күүстээх хонтуруолга ылыллыбытын, Дьокуускай обсерватордарыгар тастан кэлбит 13 киһи киирбитин иһитиннэрдилэр. Бу дьон 14 күн устатаманна олорорллор. Мирнэйдээҕи «Алроса» хампаанньа олунньу 1 күнүгэр тас дойдуттан кэлбит 548 киһини бэрэбиэркэлээтэ. Тимир суол вокзалларыгар уонна үлэһиттэри таһар опутуобустарга 4 -түү чаас буола-буола дезинфекция оҥоһуллар. Дьокуускай куорат автовокзалыгариэ иккилии чаас буола буола маннык дезинфекция оҥоһуллар эбит.» ЯПАК» уонна » Союз авто» тэрилтэ оптуобустарыгар маннык дезинфекциялааһын ирдэбиллэрэ эмиэ турдулар. Оптуобустар хас сырыы ахсын дезинфекция үлэтин ыыталлара булгуччуланна. Маны сэргэ, өрөспүүбүлүкэ авиа хампаанньалара дьоҥҥо билиэттэри төннөрө олороллор. Ол курдук, 4308 билиэти «Якутия», 641 билиэти » Полярнай авиалиния», 65 билиэти «Алроса» хампаанньаҕа төннөрдүлэр.
Ульяна Захарова