Денисовскайдааҕы шахта былаанын куоһарда

Ааптар: 
Бөлөххө киир:

2021 сыл бастакы ыйын Денисовскайдааҕы  шахта таас чоҕу хостооһуҥҥа үтүө түмүктэрдээх саҕалаата, диэн «Колмар» УК пресс-сулууспата иһитиннэрэр. 142704 туонна былаан оннугар 181783 туоннаны ыйга хостоотулар.

Салайааччылар этэллэринэн, көхтөөх үлэ уонна хампааньа таас чоҕу хостуур пааркатын саҥардыы түмүгэр былаан туолуута ситиһилиннэ.

Тохсунньу ыйга JOY 12CM15 быыстала суох үлэлиир кыахтаах сир аннынааҕы саҥа комбайн үлэҕэ киирбитэ. Бу үлэлииргэ олус табыгастаах. 7 учаастак проходчиктарын биригээдэтэ комбайны ситиһиилээхтик баһылаан, туруоруллубут былаанын толордо.

«Шахтердарга таһаарыылаах үлэлэрин иһин махтанабыт! Хас биирдии үлэһит — кэлэктиип дьоһун, инникигэ дьулуһар киһитэ», — диэтэ «Денисовскайдааҕы» ГОК АУо Денисовскайдааҕы шахтатын дириэктэрэ.

Олунньуга шахта уочараттаах былаанын хайдах толорбутун туһунан отчуоттуоҕа уонна инники соруктары торумнуоҕа.

Денисовскайдааҕы шахта сылга 2 мөл. туонна таас чоҕу хостуур кыамталаах дойдуга соҕотох шахтанан буолар. Уонна камернай-столбовой ньыманан таас чоҕу хостуур. «Колмар» хампаанньа Арассыыйаҕа бастакынан 200 миэтэрэттэн аллараа дириҥҥэ маннык ньыманан хостуурга көҥүлү ылбыта. Таас чоҕу хостооһуҥҥа 1000 шахтер үлэлиир, хостооһуҥҥа аныгылыы оборудованиены туһаналлар, ол иһигэр  Famur (лава) механизациялаах комплексы.

Бэлэмнээтэ Женни Стрюкова

Хаартыска:   sakha.gov.ru

+1
0
+1
0
+1
0
+1
0
+1
0
+1
0
+1
0