Уопсастыба

«Денисовскай» шахтаҕа биир мөлүйүөн туонна таас чох хостонно

Колмар хампаанньа «Денисовскай» шахтатын үлэһиттэрэ 2020 сыл саҕаланыаҕыттан баара-суоҕа 3 ый иһигэр биир мөлүйүөн туонна таас чоҕу хостоотулар.

edersaas.ru

2019 сылы кытта тэҥнээн көрдөххө, былырыын 3 мөлүйүөн 247 тыһыынча туонна таас чох туһаҕа тахсыбыта. «Денисовскай»  шахта дириэктэрэ Артур Косинскай шахтердар түмсүүлээхтик үлэлээн, дьоһун ситиһии кэлбитин бэлиэтээтэ.

«Колмар — улахан уонна эрэллээх хамаанда. Идэтийбит шахтердар албан ааттарын ааттатан, бигэ туруктаахтык, куттала суохтук үлэлээн, саҥа кирбиилэри ситиһиҥ! Кэлэктииппит өрүү даҕаны былааны аһары толорон истин, үп-харчы өттүнэн табылыннын, бары бииргэ өссө да элбэҕи ситиһиэхпит!», — диэн эттэ кини.

Марианна Тыртыкова, «Саха сирэ», edersaas.ru

Хаартыска хампаанньа архыыбыттан

 

0
0

Добавить комментарий