Демография кэнсиэпсийэтэ ылылынна

Бөлөххө киир:

РФ бырабыыталыстыбата 2025 сылга диэри Демографическай бэлиитикэ кэнсиэпсийэтин бигэргэттилэр. Михаил Мишустин тустаах ыйаахха илии баттаата.

Кэнсиэпсийэҕэ киһи олоҕо уһууругар, ыарахан ыарыылары эрдэттэн булууга, үлэҕэ эчэйиини аҕыйатыыга, ийэ-оҕо өлүүтүн аҕыйатыыга, аҕам саастаах дьон доруобуйатын бөҕөргөтүүгэ, чөл олоҕу тарҕатыыга, физкултууранан дьарыктаныыга, о.д.а. туһуламмыт хайысхалар киирдилэр. Биир саамай улахан хайысханан оҕолоох дьиэ кэргэттэри өйүүр, төрөөһүнү элбэтэр миэрэлэр буолаллар. Холобур, 2024 сылга дьиэ кэргэттэр 60%-ра биир эрэ сайабылыанньаны биэрэн, эбэтэр букатын да сайабылыанньа суруйбакка да эрэ, көмөнү ылар кыахтаныахтара. Бу кэмҥэ барыта 2,26 мөлүйүөн киһи оҕо төрөөтөҕүнэ, судаарыстыбаттан көмөнү ылыахтара.

Михаил Мишустин демографияҕа аан бастаан маннык улахан, кэлим докумуон ылыллыбытын, саҥа миэрэлэр баалларын туһунан тоһоҕолоон бэлиэтээтэ.

Ангелина Васильева, “Саха сирэ” хаһыат, edersaas.ru

Хаартыска: sakha.gov.ru

+1
0
+1
0
+1
0
+1
0
+1
0
+1
0
+1
0