Дэкириэтинэй уоппускаттан тахсааччылар бастакы уочаратынан тугу билиэхтээхтэрий?

Ааптар: 
Бөлөххө киир:

Ийэ дэкириэтинэй уоппускатын кэнниттэн үлэлии сылдьыбыт миэстэтигэр тахсар толору бырааптаах. Өскөтүн хампаанньа аккаастыыр буоллаҕына, ол аата РФ Үлэҕэ кодексатын кэһэр. 

Өссө тугу билиллиэхтээҕий? 

Үлэ миэстэтэ дэкириэтинэй уоппуска бүтүөр диэри тыытыллыбат. Тэрилтэ салайааччыта уонна тэрилтэ саҥардыллан уларыйар да түгэнигэр, үлэ эрдэтээҥҥи дуогабара уларытыллыа суохтаах. Дэкириэтинэй уоппускаҕа сылдьар киһи миэстэтигэр атын киһини бастайааннай төрүккэ диэн ылбаттар уонна ол миэстэ сарбыйыыга түбэһиэ суохтаах. Тустаах уоппускаттан тахсыбыт киһи үлэ урукку усулуобуйатыгар олоруохтаах, хамнаһа кыччатыллыбатах буолуохтаах. Өскөтүн, суох кэмҥэ хамнас үрдээбит буоллаҕына, ол тута олоххо киириэхтээх. Тэрилтэҕэ, чуолаан салайааччыны кытта  дэкириэтинэй уоппуска кэнниттэн үлэҕэ тахсыыга өйдөспөт быһыы-майгы үөскүүр түгэнигэр,  РФ Үлэҕэ министиэристибэтин  8-800-707-88-41 диэн нүөмэригэр эрийэн, баар балаһыанньаны кэпсиир толору бырааптааххыт.

+1
0
+1
0
+1
0
+1
0
+1
0
+1
0
+1
0