Үөдэй олоҕо чөлүгэр түһэн эрэр

Ааптар: 
Бөлөххө киир:

Нам улууһун Үөдэйигэр 2013 сылтан халаан уута киирбэтэҕэ. Ыам ыйын 22 күнүттэн 23 күнэ үүнэр түүнүгэр уу нэһилиэк икки өттүнэн халыйан киирбитэ. Өрүс кытыытыгар олорор буоланнар, Үөдэй олохтоохторо эрдэттэн сэрэтэр миэрэлэри ылынаннар, бэрт тэрээһиннээхтик дьаһанан, биир даҕаны сүөһүнү ууга былдьаппатылар, улахан саахалы таһаартарбатылар.

Даамбаны биир сиринэн тоҕу көтөн киирбит өрүс уута 51 ыал дьиэтин-уотун эмсэҕэлэттэ. Сорохторго дьиэлэрин акылаатын таһымынан, сорохторго дьиэ муостатын үрдүнэн халыйан киирэн малы буортулаабыт, дьиэ иһин сиигирдибит. «Ааспыт иэдээннээх халаан сорох дьиэни бүтүннүү ылбытыгар, мууһунан остуолбалары сууллартаан ааспытыгар тэҥнээтэххэ, быйыл син халымардык ааста», — диэн Үөдэй олохтоохторо этэллэр.

Билигин сэлиэнньэҕэ көхтөөхтүк сөргүтүү үлэтэ бара турар: тэлгэһэ иһин-таһын, уулуссаны ыраастааһын, суолу, муостаны көннөрүү уонна да атын кыра түбүктэр.

Егор Карпов.

Ааптар хаартыскалара.

+1
0
+1
0
+1
0
+1
0
+1
0
+1
0
+1
0