Саха АССР 100 сылын көрсө СӨ ускуустубатын үтүөлээх деятелэ, режиссер, сценарист-ааптар, уус-уран салайааччы, өрөспүүбүлүкэтээҕи «Дьээбэрэҥ» бырайыак ааптара, бастакы көр-күлүү күрэһин төрүттээбит Иван Иванович Бурцев төрөөбүтэ 75 сылынан “Дьээбэрэҥ-2022” үбүлүөйдээх көр-күлүү күрэһэ ыытылынна.
Бу дьээбэрэҥ куонкуруһугар оскуола оҕолоро, устудьуоннар көхтөөх кыттыыны ыллылар. Быйылгы куонкурус уратытынан үгүс саҥа ааттары арыйыы буолла. Куонкурус пародия, үҥкүү, уус-уран айымньы жанрдарынан ыытыллынна. Онон уопсайа уонтан тахса хамаанда күөн-көрүстэ. Быйылгы тыҥааһыннаах үгүс дьээбэрэҥ нүөмэрдэриттэн бастыҥынан ааттанан Уус Алдан улууһун Бээдьи оскуолатын оҕолорун «Сулусчааннар» диэн бөлөх кыайыылааҕынан таҕыста. Манна Ваня Старостин, Джессика Алексеева, Олег Старостин кытыннылар.
Бэлиэтээн эттэххэ, Ваня Старостин дьээбэрэҥ куонкурус арыйыытынан буолла. Кини норуот ырыаһыта Марыына Попованы, Майкл Джексоны үүт-үкчү үтүктэн көрдөрөн үгүс дьон кутун тутта.
Маны сэргэ кыттыбыт дьон маннык ааттарга тигистилэр:
«Тэбэнэттээх күлүү”- диэн көрөөччү биһирэбилэ аакка – “Хоросо” диэн Үөһээ Бүлүү улууһун көр-күлүү тыйаатыра,
“Кэскиллээх толорооччу” – Дьулустаан Гаврильев, Уус Алдан улууһун Найахы нэһилиэгин көр-күлүү бөлөҕө.
“Уу-чу- кучук” – бастыҥ толорооччу оҕо – Иван Старостин
“Чаҕылхай бөлөх” – Солоҕон клоуннара тигистилэр
“Бастыҥ дебют” – “Тэбэнэттэр” Бүлүү улууһун Балаҕаччы нэһилиэгин бөлөҕө
“Бастыҥ көрдөөх үҥкүү” – “Солоҕон бэтиэхэлэрэ”, Стручков Петр
“Бастыҥ көрдөөх ырыа” – “Күн дьоно” бөлөх.
“Бастыҥ ураты нүөмэр” – “Дьүөгэлиилэр” бөлөх
“Бастыҥ пародия” – Василий Садовников
“Бастыҥ көрдөөх фольклор” – “Отчут кыргыттар” бөлөхтөрө
И.И.Бурцев айымньытын толоруу – Огдооччуйа доҕотторунуун тигистэ.
Ульяна ЗАХАРОВА.