Саха сиригэр “Дьарыктаах буолуу” бырайыак олоххо киирдэ

Бөлөххө киир:

2018 сыллаахха Саха Өрөспүүбүлүкэтин Нэһилиэнньэ дьарыктаах буолуутугар судаарыстыбананй кэмитиэтэ Нам улууһун дьаһалтатын, Тыа хаһаайыстыбатын министиэристибэтин уонна Предпринимательство, эргиэн уонна туризм министиэристибэтин кытта “Тыа сиригэр дьарыктаах буолуу” эрэгийиэннээҕи бырайыагы үлэлэппитэ.

Бырайыак тыа сиригэр үлэтэ суох буолууну аччатыыга туһуланар. Тустаах кэмитиэт иһитиннэрбитинэн, маннык үлэни Горнай, Хаҥалас улуустарыгар, Өлөөн эбэҥки национальнай оройуонугар 2019-2020 сылларга “Тыа сиригэр дьарыктаах буолуу” чэрчитинэн киллэрэргэ былаанныыллар.

“Суол каартатын” сыалынан Горнай улууһугар үлэтэ суох дьон ахсаанын 2020 сыл ахсынньы 31 күнүгэр 3,5 быр. диэри аччатарга соруктаналлар. Маны сэргэ “суол каартатынан” тыа хаһаайыстыбатын, бааһынай хаһаайыстыбатын 11 тэрилтэтигэр өйөбүлү оҥоруохтара. Ити түмүгэр тыа хаһаайыстыбатын салаатыгар 37 үлэ миэстэтэ тахсыаҕа.

Маны сэргэ дьиэ-уот хомунаалынай хаһаайыстыбатын эйгэтигэр бырайыактары олоххо киллэриэхтэрэ. Ол курдук, канализация, уунан хааччыйыы, хочуолунай уо.д.а. тутуллара күүтүллэр. Эбийиэктэр тутулуннахтарына, 39 үлэ миэстэтэ тэриллиэҕэ.

Бырамыысыланнас эйгэтигэр Горнай улууһугар нэһилиэнньэлээх пууннарга гаас заправкаларын арыйыы уонна тиэхиньикэни гаас уматыкка көһөрүү үлэтэ күүтэр. Маныаха гаастааһын түмүгэр 13 үлэ миэстэтэ баар буолуоҕа.

Саха сирин Нэһилиэнньэ дьарыктаах буолуутугар госкэмитиэтэ иһитиннэрэринэн, “суол каартатын” үбүлээһин уопсай кээмэйэ 617034,45 тыһ. солк. тэҥнэһиэҕэ.

Горнай улууһугар “суол каартата” олоххо киирдэҕинэ, 2021 сылга 131 киһи үлэ миэстэтинэн хааччыллыаҕа, ол түмүгэр үлэтэ суох буолуу 3,5 быр. диэри аччыаҕа.

+1
0
+1
0
+1
0
+1
0
+1
0
+1
0
+1
0