Дьарыктаах буолуу киинигэр тэйиччиттэн хайдах учуокка турабыт?

Бөлөххө киир:

Билигин коронавирус харантыынын кэмигэр дьиэҕэ олорон үлэтэ суох хаалбыт, эбэтэр сарбыйыыга түбэспит дьон Дьарыктаах буолуу киинигэр учуокка туруохтаахтар. Оччоҕуна биирдэ босуобуйа ылаллар.

Үгүс дьон тэрилтэ хонтуората сабыллан турар кэмигэр хайдах учуокка турабыт диэн интэриэһиргииллэр. Дьарыктаах буолуу киинэ тэйиччиттэн үлэлиир буолан сайабылыанньаны «Работа в России» (trudvsem.ru) портал нөҥүө ылар.

Онуоха (ЕСИА) Судаарыстыбаннай өҥө порталыгар булгуччу регистрациялаах буолуохтааххыт. Үлэтэ суох киһи быһыытынан дистанционно регистрацияланарга маннык докумуоннар наадалар:

  1. Пааспар;
  2. Үөрэҕи бүтэрбитиҥ туһунан диплом;
  3. Босуобуйа ыларгар баан реквизитэ, счетуҥ нүөмэрэ;
  4. Үлэ киниискэтэ;
  5. ИНН/СНИЛС.

«Работа в России» (trudvsem.ru) порталга эрэгийиэниттэн тутулуга суох Арассыыйа олохтоохторо бары киирэн бэлиэтэнэллэр, онно резюмеҕын хаалларыаххын сөп. Порталга сайабылыанньа биэрбитиҥ кэннэ 11 күн иһигэр үлэтэ суох диэн билинэн, босуобуйа аныыллар.

Дьокуускайга Дьарыктаах буолуу киинигэр билсэр төлөпүөн — 508-800.

Марианна Тыртыкова, «Саха сирэ» хаһыат, edersaas.ru

Хаартыска — katyn24.ru

+1
0
+1
0
+1
0
+1
0
+1
0
+1
0
+1
0