Саха ынаҕын кимнээх иитэллэрий? Бородууксуйатын хайдах батаралларый?
Эбээн Бытантай улууһун Дьарҕаалаах нэһилиэгэр саха ынаҕын тэнитиигэ эдэр ыал Баишевтар ылсан үлэлииллэр. Мотрена Петровна Баишева саха ынаҕын үтүө хаачыстыбатын сэҥээрэн иитэр. Эбии кууруссалары туталлар. 13 ынахтара төрөөн, үүттүгэннээх сайыҥҥы ыйдарга ыабыт үүттэрин сэппэрээтэргэ түһэрэн, олохтоохторго сүөгэй, суорат оҥорон атыылыыллар. Төһө да ыраах олордоллор, биир дойдулаахтара сакааһынан үөрэ-көтө ылаллар. Маны тэҥэ, куурусса иитэн, сымыыты эмиэ батаралларын хамаҕатык атыылаһаллар.
Бэйэ олохтоох бородууксуйатын батарыы билиҥҥи тас дойдулар хааччахтааһыннарын кэмигэр олус суолталаах. Олохтоохтор саха ынаҕын үүтүттэн оҥоһуллубут бородууксуйалары аһыыллара доруобуйаларыгар да туһалаах.
Бэлэмнээтэ Женни Стрюкова
Хаартыска: М.Баишева ыытта.