Бүгүн коронавирус дьаҥар хаптарыы туруга хайдаҕый? Ол курдук, Суһал ыстаап иһитиннэрбиттэринэн, Саха сиригэр ааспыт сууккаҕа 46 киһи бу дьаҥҥа хаптаран, ыарыйда.
Ол иһигэр киин куораппытыгар 21 киһи ыалдьыбыта бэлиэтэннэ. Оройуоннарга ыарыы хаптайбат курдук. Үөһээ Бүлүүгэ, Мииринэйгэ – 3-түү киһи, Мэҥэ Хаҥалас, Сунтаар, Алдан оройуоннарыгар – 2-лии. Маны сэргэ хоту улуустартан Абыйга, булуҥҥа, Өлөөҥҥө, Өймөкөөҥҥө биирдии киһи ыарыйда. Бүлүү, Горнай, Ленскэй, Нам, Нерюнгри, Ньурба, Өлүөхүмэ, Таатта, Хаҥалас оройуоннарыгар эмиэ биирдии киһи ыалдьыбыта бигэргэннэ. Ыарыһахтары кытта алтыспыт дьону буллулар.
Өрөспүүбүлүкэ лабораториялара күүскэ үлэлии тураллар. 3169 чинчийии бу ыарахан дьаҥ баарын-суоҕун быһаарыыга ыытыллыбыт. Онон мэдиссиинэ тэрилтэлэрэ дьаҥҥа хаптарбыт дьону эмтээһиҥҥэ күүстэрин уураллар.
Бэлэмнээтэ Женни СТРЮКОВА.
Хаартыска: интэриниэттэн
+1
+1
+1
+1
+1
+1
+1