Саха сиригэр биллэриллибит Ийэ сылын чэрчитинэн, СӨ Доруобуйа харыстыбалын министиэристибэтэ “Дьахтар доруобуйата” саҥа бырайыагы олоххо киллэриини саҕалаата.
Бырайыакка өрөспүүбүлүкэ бары олохтоохторо кыттыахтарын сөп. Онуоха https://женское-здоровье-саха.рф сигэнэн киирэн регистрацияланыахха уонна анкета толоруохха сөп.
Бырайыак сыалынан-соругунан эмиий, киэли шейкатын араактарын, эндометриоз, оҕоломмот буолуу уо.д.а. дьахтар ыарыыларын эрдэ быһаарар соруктаах. Ыарыы сайдар куттала баара билиннэҕинэ, дьахталлар Дьокуускай куорат балыыһаларыгар сиһилии чинчийиини оҥортороллоругар уонна быраастан сүбэ-ама ылалларыгар сүбэлииллэр.
Анкета ыйытыыларын бастыҥ исписэлиистэр толкуйдаан оҥордулар. Саайтка анкетаҕа кыттан баран бырааска суруйтарыахха уонна Дьокуускай куорат поликлиникаларыгар бырааска көрдөрөр бириэмэни талыахха сөп.
Бырайыакка Дьокуускай куорат 2 уонна 3 нүөмэрдээх балыыһалара, 1 нүөмэрдээх поликлиника, Дьокуускай куораттааҕы мэдиссиинэ киинэ, өрөспүүбүлүкэтээҕи мэдиссиинискэй иһитиннэрэр-ыраҥалыыр киин, “Белая Роза-Саха” мэдиссиинискэй киин кытталлар.
Надежда ЕГОРОВА, «Саха сирэ» хаһыат, edersaas.ru