2021 сыл тохсунньу 1 күнүттэн ыарахан, кутталлаах усулуобуйалаах үлэ испииһэгэр уларыйыылар киирбиттэрэ. СӨ үлэҕэ, социальнай сайдыыга министиэристибэтэ дьахталларга аналлаах туох уларыйыылар киирбиттэрин быһаарда.
Дьахталлар төрүүр-ууһуур, утуму салгыыр аналлаах буоланнар, үлэ усулуобуйатыгар кинилэр доруобуйаларыгар куттал суоһуо суохтаах. Онон бу уларыйыылар үүнэр көлүөнэ доруобай буоларыгар быһаччы сыһыаннаахтар.
Урукку испииһэккэ 456 ирдэбиллээх этэ, билигин 100 хаалла. Дьахталлар баһаары умулларыыга, дьааттаах химикаттары тиэйиигэ-таһыыга, хайа-байытар бырамыысыланнаска уонна ньиэби хостуурга сир анныгар, о.д.а. үлэлииллэрэ бобуллар.
Саҥа усулуобуйанан, дьахталлар аны болуотунньугунан, 14-тэн элбэх миэстэлээх оптуобуска суоппарынан, 2,5 туоннаттан үөһээ уйуктаах массыына суоппарынан үлэлиир кыахтаннылар.
Ону тэҥэ, анал сыанабылы, госэкспертизаны ааспатах услуобуйалаах үлэҕэ дьахталлар үлэлииллэрэ хааччахтанна. Ол эрээри, бу ирдэбил фармацевтиканы оҥорон таһаарыыга, мэдиссиинэ тэриллиилэригэр, чинчийэр лабораторияларга, кырааскалыыр-устукатууркалыыр үлэҕэ үлэлиир дьахталларга сыһыана суох.
Ангелина Васильева, «Саха сирэ» хаһыат, edersaas.ru
Хаартыска: pravo.moe