Кулун тутар саҥатыгар Дьокуускайга СӨ Дьахталларын уопсастыбаннай трилтэлэрин сойууһа дьахталлар ХV сийиэстэрин уонна Уһук Илин дьахталларын пуорумун тэрийэн ыытар.
Бу суолталаах тэрээһиҥҥэ Арктика дьахталлара эмиэ бэлэмнэнэллэр.
Ил Түмэн аҕыйах ахсааннаах норуоттар дыалаларыгар кэмитиэтин салайааччыта Елена Голомарева бу туһунан маннык иһитиннэрдэ:
— Дьахталлар ХV сийиэстэригэр уонна Уһук Илин дьахталларын пуорумугар «Хайдах олороҕун, Арктика хаһаайката?» төгүрүк остуолга Арктика зонатыгар сайдыы хайдах барыан туһунан кэпсэтии буолуоҕа. Манна көһө сылдьар көс ыаллар, оскуолалар, балыыһалар, култуура нэһилиэстибэтин туһунан киэҥник ырытыахпыт, дьүүллэһиэхпит. Кэпсэтиигэ куйаар ситиминэн сийиэс дэлэгээттэрэ эрэ буолбакка, ким баҕалаах бары кыттыан наада. Биһиги киэҥ араҥаны хабан, баар итэҕэстэри туоратарга дьулуһабыт. Биллэн турар, кэскиллээх хамсааһын түмсэргэ кыах биэриэҕэ. Этиилэргитин кулун тутар 1 күнүгэр диэри geh61@mail.ru аадырыска күүтэбит.
Елена ПОТОЦКАЯ, “Саха сирэ” хаһыат, edersaas.ru
Хаартыска — СИА.