Гиннесс рекордарын кинигэтигэр киллэриллибит Дагестан баабыйа Омар Ханапиев Каспийскай куоракка ыытыллар тустууга Европа чөмпүйэнээтин логотибын халыҥ бороболуохаттан уонна тоһоҕоттон өрөн оҥордо.
Wrestdag.ru иһитиннэрэринэн, кини дьикти оҥоһугар хас да күн үлэлээбит. Ханапиев үлэтин Дагестан спорка албан аатын түмэлигэр бэлэхтиир санаалаах.
Баабый киһи күрэхтэһии ыалдьыттарыгар уонна кыттыылаахтарыгар бэйэтин дьикти дьоҕурун көрдөрөр баҕалаах. “Чөмпүйэнээти тэрийээччилэр көҥүллээтэхтэринэ, күрэхтэһии ыалдьыттарыгар, кыттааччыларыгар бэйэм кыахпын көрдөрүөм этэ. Аан дойду рекордугар да дураһыйан көрүөхпүн сөп”, — диир Ханапиев.
Манна эбэн эттэххэ, Омар Ханапиев аан дойду 50-тан тахса рекордун олохтоон турар. Ол курдук, тииһинэн тимир суол састаабын, муора лейнерын, сөмөлүөтү соспуттаах.
Роман Попов, edersaas.ru