2015 уонна 2016 сыллары тэҥнээтэххэ, россияннар 12% элбэх хамнаһы аахсар буолбуттар. Ол эрээри «киин» уонна «провинция» хамнаһа балачча араастаһар. Холобур, Москва, Санкт Петербург олохтоохторо регионнардааҕар төһө эмит үрдүк дохуоттаахтар.
Ол эрээри киин сиртэн хаалсыбат регионнар эмиэ бааллар. Холобур, 2016 сыллааҕы туругунан Ямало-Ненецкэй уокурукка хамнас орто кээмэйэ 70,62 тыһ. солк. быһыллыбыт. Ханты-Мансийскайга – 61,94 тыһ. солк., Камчаткаҕа – 50,6 тыһ. солк., Саха Өрөспүүбүлүкэтигэр 53,46 тыһ. солк., Тюмеҥҥэ – 50,16 тыһ. солк., Магадаҥҥа 55,88 тыһ. солк., Чукоткаҕа 56,1 тыһ. солк. ааҕыллар.
Онтон саамай «дьадаҥы» субъектарга Новосибирскай (17,49 тыһ. солк.), Кемеровскай (17,49 тыһ. солк.), Курганскай (22,77 тыһ. солк.), Ульяновскай (22,88 тыһ. солк.) уобаластар киирбиттэр.
Мантан аллараа Саха сиригэр үлэ ырыынагар салааларынан ким төһө хамнастааҕын көрүөххэ.
Анивера АКИМОВА.