Быйыл Кэбээйи улууһун “Дабаан” хаһыат редакцията “Трезвая Якутия: реализация мер по борьбе с пьянством и алкоголизмом в Республике Саха (Якутия)” диэн Ил Дархан гранын ылла.
Ол чэрчитинэн ыытыллыахтаах үлэни саҕалаатыбыт.
Бу күннэргэ “Саха сирэ” хаһыат редакциятын үлэһиттэрин кытта холбоһуктаах десаны тэрийэн, Кэбээйи улууһун үс нэһилиэгэр: Мукучуга, Мастаахха, Лүксүгүҥҥэ сырыттыбыт. Хас нэһилиэк ахсын общественноһы кытта көрсүһүүлэри тэрийдибит, оскуола оҕолоругар бэсиэдэлэри ыыттыбыт, арыгы содулун кэпсиир киинэлэри (Ол иһигэр, «Технология спаивания») көрдөрдүбүт.
Үөрэнээччилэр чуумпуран олорон иһиттилэр, кырдьык да арыгы алдьархайтан атыны аҕалбатын өйдөөн тарҕастылар. Оттон хас нэһилиэк ахсын общественность маннык үлэ эдэр ыччакка уонна оскуола оҕотугар хайаан да ыытыллара наадалааҕын чорботон бэлиэтээтэ.
Кэбээйи улууһун Мукучу нэһилиэгэ
Виктор ЭВЕРСТОВ, «Дабаан» хаһыат кылаабынай эрэдээктэрэ.
+1
+1
+1
+1
+1
+1
+1