Дьокуускайга Саҥа дьыл тыына биллэн эрэр. Атыы-тутуу кииннэригэр күүтүүлээх бырааһынньык киэргэллэрин, ооньуурдары атыыга таһаарбыттара ыраатта.
Оттон куорат килбэйэр кииннэригэр, болуоссаттарга, харыйалар туруоруллан, уоттара уматылларын күүтэллэр. Кырыа кыһын умнуллубат бырааһынньыгын сылаас тыына А.Е.Кулаковскай аатынан норуоттар доҕордоһууларын дьиэтигэр эмиэ олохсуйда. Манна ахсынньы саҥатыгар, 6 -тан 8-ка диэри «Цвет настроения НОВОГОДНИЙ» диэн атыы-тутуу дьаарбаҥката тэриллэр.
Дьарбаҥкаҕа бэйэ оҥорбут мыылатын арааһа, Саҥа дьыл киэргэллэрэ, минньигэстэр, харыйа оонньуурдара, баайыы таҥас-сап бэртээхэйэ, органическай косметика талбыта, салфетка мааныта, мастан, тирииттэн, фоамирантан, туойтан, уо.д.а. киэргэл арааһа баар буолуоҕа. Сэргээбиттэр, сэҥээрбиттэр: 8(914)1044627 төлөпүөҥҥэ эрийэн сиһилии билсиэххитин сөп.
+1
+1
+1
+1
+1
+1
+1