Эдэр исписэлиистэри үлэнэн хааччыйыыга туһуламмыт дьаарбаҥкаҕа тыа хаһаайыстыбатын үөрэҕин бүтэрээри сылдьар 350 ыччат кытынна. Бу туһунан СӨ Тыа хаһаайыстыбатын министиэристибэтин пресс-сулууспата иһитиннэрэр.
«Молодые специалисты — будущее АПК» дьаарбаҥкаҕа 60 тэрилтэттэн үс сүүсчэкэ үлэ миэстэтигэр эдэр дьону ыҥырдылар. Сайаапкалар «Туймаада» агрохолдинг, Дьокуускайдааҕы килиэп кэмбинээтэ» АУО, «Дьокуускайдааҕы көтөрү иитэр фабрика» АУо, «Сахабулт» ФАПК, «Саюри», «Кладовая Олекмы» ХЭУо, «Управление по мелиорации земель и сельскохозяйственному водоснабжению»ГБУ, «Чурапчы» ТХПК, «Булуҥ» МУП, «Хачыкаат», «Хаҥалас Ас», «Томпо» ТХПК киирдилэр.
Тэрээһин Арктикатааҕы судаарыстыбаннай агротехнологическай университекка ыытылынна.
Модератор СӨ Тыа хаһаайыстыбатын миниистирин солбуйааччы Прокопий Николаев. Дьаарбаҥкаҕа СӨ Тыа хаһаайыстыбатын миниистирэ Александр Атласов, Арктикатааҕы судаарыстыбаннай агротехнологическай университет ректор эбээһинэһин быстах кэмҥэ толорооччу Валерий Федоров, тыа хаһаайыстыбатын техникумун дириэктэрэ Андрей Самсонов, тыа хаһаайыстыбатын кооперативтарыттан, бааһынай хаһаайыстыбалартан, уо.д.а. кыттыыны ыллылар.
СӨ Тыа хаһаайыстыбатын миниистирэ Александр Атласов: «Тыа сирдэрэ квалификациялаах исписэлиистэргэ наадыйаллар. Бүгүҥҥү күҥҥэ тыа сирдэригэр агрономнар, бэтэринээринэй быраастар, инженердэр наадалар. Дьаарбаҥка былаһааккатыгар аһаҕас вакансиялар тустарынан сиһилии иһитиннэриилэри ыллылар, чэпчэтиилэр, эдэр исписэлиистэргэ төлөбүрдэр, үлэ усулуобуйатын туһунан ыйытыыларга толору хоруйдар бэрилиннилэр.», — диэн эттэ.
Тэрээһин иитинэн ыытыллыбыт «Как открыть свое дело», «Шаги навстречу работе» маастар-кылаастар, уйулҕа үөрэхтээхтэрин трениннэрэ болҕомтону тартылар. Аахсыйаҕа кыттыбыт ыччаттар маннык тэрээһин эдэр дьоҥҥо, үөрэхтэрин саҥа бүтэрээччилэргэ көмөлөөх, туһалаах буоларыгар эрэнэллэрин биллэрдилэр.
+1
+1
+1
+1
+1
+1
+1