Суһал ыстааптар дааннайдара тоҕо араастаһарый?

Бөлөххө киир:

Сэтинньи 26 күнүгэр СӨ бырабыыталыстыбатын бэрэссэдээтэлин солбуйааччы, өрөспүүбүлүкэтээҕи суһал ыстаап салайааччытын солбуйааччы Ольга Балабкина социальнай ситимнэринэн быһа эпииргэ тахсан, ыйытыыларга хоруйдаата.

Ыйытыы: өрөспүүбүлүкэтээҕи уонна федеральнай суһал ыстааптар дааннайдара тоҕо араастаһарый?

— Өрөспүүбүлүкэтээҕи суһал ыстаап дааннайдары Роспотребнадзор управлениетын дааннайдарыттан ылар. Сарсыарда эрдэ лабораториялар сууккатааҕы дааннайдары Роспотребнадзорга ыыталлар. Салгыы ити дааннайдары  бэрэбиэркэлээн баран, суһал ыстаапка ыыталлар. Ону биһиги брифиҥҥэ иһитиннэрэбит.

Дааннайдар биир сыыппараҕа кэлиэхтэригэр диэри бириэмэ наада. Тоҕо диэтэр, ыалдьыбыт киһи анаалыһа бигэргэнэригэр, бэрэбиэркэ барарыгар, о.д.а. бириэмэ наада. Сороҕор бу киһи дьиҥнээхтик коронавируһунан ыалдьыбыт дуу, суох дуу диэн саарбахтааһыннар бааллар. Онон дааннайдар син биир хаһан эмит биир сыыппараны көрдөрүөхтэрэ. “Суһал ыстаап сороҕор дааннайдары кистиир” диэн этиини кытары мин сөбүлэспэппин. Кистииргэ төрүөт суох. Хомойуох иһин, бу ыарахан ыарыыттан дьон өлөр, ону кистиир бырааппыт суох.

Ыйытыы: Аптекаларга кыраадыһы кээмэйдиир тэриллэр суохтар…

— Ол элбэх киһи атыыласпытыттан буолар. Вируһу утары эмтэргэ эмиэ оннук балаһыанньа буола сылдьыбыта. Оҥорон таһаарыыны элбэттилэр, билигин эмтэргэ дэписсиит суох. Кыраадыстары эмиэ оҥорон таһаарыахтара, аптекаларга баар буолуо.

Ыарыйдаххытына, бэйэҕит эмтэнимэҥ диэн этиэм этэ. Балыыһаларга оннук бэйэлэрэ эмтэнэ сатаан баран, бэргээн киирбит дьон бааллар. Хас биирдии киһиэхэ ыарыы биир тэҥник киирбэт, араас буолар. Быраас ону кэтээн көрөн, быһаарар.

Ангелина Васильева, “Саха сирэ” хаһыат, edersaas.ru

Хаартыска: sakha.gov.ru

+1
0
+1
0
+1
0
+1
0
+1
0
+1
0
+1
0