Дьаамсыктар искибиэрдэрэ Дьокуускайга арылынна

Ааптар: 
Бөлөххө киир:

Бэҕэһээ, Докуускай куорат төрүттэммитэ 388 сылын бэлиэтиир тэрээһин буолла. Дьаамсыктар искибиэрдэрэ бу бэлиэ күн арылынна.

Дьоһун тэрээһин Саха сирин архиепискоба Роман алҕааһынынан саҕаламмыта. Пандемия кэмигэр буолан, төһө да аҕыйах киһи муһуннар, бырааһынньык тыына билиннэ, дьон-сэргэ сэргэх.

Өрөспүүбүлэкэ Ил Дархана Айсен Николаев бу искибиэр туһунан:

Дьаамсыктар сыдьааннара, Саха сирин үгүс норуотуттан биирдэстэрэ. Култуураларын, устуоруйаларын, сурукка киирбит өйдөбүнньүктэрин сөргүтүүгэ улахан үлэни ыыппыт Анатолий Добрянцевка махталбын тиэрдэбин.  Уруккуну умнан баран, кэнэҕэһин тутар уустук, онон бу ааспыт үйэлэргэ олорбут өбүгэлэрбитин өйдүүр сүдү суолталаах. Искибиэри тутааччыларга, тутууну көҕүлээбит историктарга, куорат дьаһалтатыгар, бу искибиэр баар буоларын туһугар үлэлээбит дьоҥҥо барыларыгар истиҥ махталбын тиэрдэбин, — диэтэ.

Саха сирин Ил Дархана, түмүккэ, искибиэргэ хайаан даҕаны пааматынньык туруохтааҕын бэлиэтээтэ. Өрөспүүбүлүкэ 100 сылын көрсө, аналлаах пааматынньыгы туоруоруохпут диэн эрэннэрдэ.

Искибиэргэ кэлин дьаарбаҥка, атыы-тутуу тэрийэргэ анаан, оттуллар мас киоскалар туруоруллубуттар. Дьон сынньанарыгар ыскамыайкалардаах, оҕолор оонньуулларыгар хачыаллардаах. Саамай көстөр сиргэ “2744 км. Иркутск” диэн суруктаах остуолба туруоруллубут.

Егор Карпов, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0