Дьокуускайга Дьааҥыттан эбии 42 оҕо кэллэ.
Оройуон халаан уутугар барбыт нэһилиэктэриттэн оҕолору эвакуациялааһын салҕанар. «Полярные авиалинии» рейсинэн Адыаччы нэһилиэгиттэн бэҕэһээ 42 оҕону аҕалбыттар.
Итинтэн 40 оҕону «Сосновый Бор» сынньалаҥ уонна доруобуйаны чэбдигирдэр кииҥҥэ түһэрдилэр. Дьааҥыга сайыҥҥы сынньалаҥнарыгар тиийбит икки оҕону дьиэлэригэр, Дьокуускайга, төттөрү аҕаллылар.
Халааҥҥа эмсэҕэлээбит Дьааҥы уонна Кэбээйи нэһилиэктэриттэн оҕолору сынньатарга 200 миэстэ «Сосновый Бор» киинигэр бэлэм.
Манна оҕолору күҥҥэ биэстэ аһаталлар, мэдиссиинэ өҥөтө оҥоһуллар. Араас оонньуулар, викториналар, спортивнай күрэхтэһиилэр тэриллэллэр. Дьокуускай куорат кэрэ-бэлиэ сирдэринэн экскурсиялатыахтара.
СӨ Үөрэх уонна наука министиэристибэтин иһитиннэриитинэн, сынньалаҥ киинигэр бу иннинэ 81 оҕо кэлбит: 32 — Суордаахтан, 22 – Дулҕалаахтан, 10 – Адыаччыттан (Дьааҥы оройуона), 17 — оҕо Кэбээйи улууһуттан Сэбээн Күөлтэн.
Ити курдук, «Сосновый Бор» сынньалаҥ уонна доруобуйаны чэбдигирдэр кииҥҥэ саҥа киирбит оҕолору кытары уопсайа 121 оҕо баар.
+1
+1
+1
+1
+1
+1
+1