Дьааҥылар ыраах учаастактарынан оттуохтара

Ааптар: 
Бөлөххө киир:

Кыстыгы көрсө өрөспүүбүлүкэ үрдүнэн 471 тыһыынча 495 туонна от, 16 тыһыынча 112 туонна сенаж итиэннэ 25 тыһыынча 567 туонна сиилэс бэлэмнэниэхтээх.

edersaas.ru

Илин эҥээр улуустарга кураан буоллаҕына, хотугу улуустарга ойуур баһаардара мэһэйдиэх курдуктар. Орто Халымаҕа I Хаҥалас уонна II Хаҥалас нэһилиэктэрин сорох ходуһалара уокка былдьаммыт, былаан (6,7 тыһыынча туонна от) 90 %-на толоруллуон сөп диэн барыллыыллар. Үөһээ Халыма улууһа Магадантан от атыылаһарга кэпсэтэн эрэр.

Үүнүү ордук Арыылаахха, Дулҕалаахха, Сартаҥҥа уонна Дьааҥы куоракка мөлтөх, – диир Дьааҥы улууһун баһылыга Гаврил Чириков. – Былааммыт 10 тыһыынча туонна этэ да, 7,5 тыһыынчаны эрэ хааччынар туруктаахпыт, мобильнай биригээдэлэри учаастактарга ыытан 600 туоннаны оттуурга суоттанабыт уонна кур оппут баар, оччотугар 600 туоннаны тастан атыылаһарбыт буолуо. Бу иннигэр халлаан 40 кыраадыска тиийэ куйаарбыта, онтон аны хаардаата, ити от хаачыстыбатыгар охсоро буолуо.

Абый улууһун баһылыга Станислав Цюхцинскай былаан (2,1 тыһыынча туонна) толоруллуон сөп эрээри, ходуһаларбыт чугаһаабыттара икки-үс көс ыраахтар, аны суолбут-ииспит мөлтөх диэн, мобильнай биригээдэлэргэ көмө көрүллэригэр ону учуоттуурга этэр. Муомалар, өймөкөөннөр, уус маайалар былааннарын толорорго эрэллээхтэр, ходуһаҕа киирэн эрэллэр.

Раиса Сибирякова, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0