Дьааҥыга обургу оҕолор эдэр киһини кырбаан өлөрдүлэр

Ааптар: 
Бөлөххө киир:

Верхоянскай куоракка 21 эрэ саастаах эдэркээн киһини обургу оҕолор итирэн баран, дьиикэйдик кырбаан өлөрбүттэрин туһунан сурах бастаан батсаабынан тарҕаммыта. Ити чахчыны бигэргэтэн, силиэстийэ уорганнара холуобунай дьыала тэрийдилэр.

edersaas.ru


Ол курдук, РФ Силиэстийэлиир кэмитиэтин Саха сиринээҕи управлениета иһитиннэрбитинэн, холуобунай дьыала РФ Холуобунай кодексатын 111-с ыст. 4-с чааһынан, ол эбэтэр, киһи доруобуйатын соруйан ыараханнык эчэтэн, сэрэҕэ суохтан өлүүгэ тиэрдии бэлиэтэ баарынан, тэриллибит.

Силиэстийэ сабаҕалыырынан, бу дьыл олунньу 21 күнүгэр, сарсыарда 07.00 чаас саҕана, Верхоянскай куорат Киров уулуссатыгар турар биир дьиэтин кыбартыыратыгар 21 саастаах уол өлүгэ көстүбүт. Кырбаныыттан этигэр-сиинигэр бүттэлээх миэстэ хаалбатах.

Олунньу 26 күнүгэр Верхоянскайга тиийбит эксперт судебнай-медицинскэй чинчийии ыытан таһаарбыт түмүгүнэн, эдэр киһи төбөтүгэр ылбыт хаан туруулаах эчэйиититтэн өлбүт.

Бу ураты ыар буруйу оҥорууга обургу оҕолор уорбаланаллар. Хас биирдиилэрин буруйа силиэстийэ кэмигэр быһаарыллыаҕа.

Биһиги корр., «Саха сирэ» хаһыат, edersaas.ru

Хаартыска: интэриниэттэн

+1
0
+1
0
+1
0
+1
0
+1
0
+1
0
+1
0