Дьааҥыга икки нэһилиэк ууттан босхолонно

Ааптар: 
Бөлөххө киир:

Дьааҥы улууһугар Томтор уонна Токума нэһилиэктэрэ ууттан босхолоннулар. 

Бөтөҥкөс, Боронук нэһилиэктэригэр уонна Дьааҥы куоракка 275 тиэргэни кытта 52 кэтэх дьиэ ууга тураллар. Ууттан эмсэҕэлээбиттэргэ гуманитарнай көмө оҥоһуллар. Быыһааччылар дьону оҥочолорго тиэйэ-тиэйэ куттала суох сиргэ илдьэллэр. Ону тэҥэ, Ыксаллаах быһыыга-майгыга министиэристибэтин  Ми-8 бөртөлүөтэ дьону тиэйиигэ көмөлөһөр. Быстах кэмҥэ дьону олордор пууҥҥа 19 киһи баар. Ууга барбыт нэһилиэктэртэн 81 киһини Баатаҕайга илдьибиттэр.

Дьааҥы уонна Адыаччы үрэхтэргэ уу таһыма үрдүк буоллаҕына, Дулҕалаах, Томтор, Сартаҥ уонна Үҥкүр үрэхтэргэ уу таһыма түһэн эрэр. Саха сиринээҕи УГМС иһитиннэрэринэн,  кэлэр икки сууккаҕа Баатаҕайга уонна Сайдыыга уу таһыма оннунан хаалыаҕа.

Салгыы видео-устууну көрүҥ. 

+1
0
+1
0
+1
0
+1
0
+1
0
+1
0
+1
0