Маны аах Уопсастыба

Дьааҥыга халаан уутун туоратааччылары наҕараадалаатылар

Дьааҥы улууһугар халаан уутун туоратааччылары наҕараадалаатылар. Тэрээһиҥҥэ Дьааҥы көрдүүр-быыһыыр этэрээтин эдэр байыастара андаҕардарын эттилэр.

Бэлиэ тэрээһиҥҥэ эдэр быыһааччыларга СӨ нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэт бэрэссэдээтэлин бастакы солбуйааччы Иннокентий Андросов дастабырыанньалары уонна быыһааччы кинигэтин туттарда. Кини улуус баһылыгар, солбуйааччыларыгар, Дьааҥы олохтоохторугар, «Арктика суоллара», «Сахаэнерго», ОДьКХ, ньиэп баазатын үлэһиттэригэр махтанна уонна «За вклад в дело спасения» диэн бэлиэлэри, бочуотунай грамоталары, махтал суруктары туттарда.

«Маннык ыксаллаах быһыыга-майгыга быыһааччыларбыт идэтийиилэрин, хоһууннарын, тулуурдарын элбэхтэ көрдөрбүттэрэ. Буруоҕа, уокка, ууга, хайаҕа, уу ылбыт сирдэринэн быыһааччылар бастакынан ыарахан үлэҕэ кэлэллэр, дьону быыһыыллар. Дьааҥы олохтоохторо, тэрилтэ үлэһиттэрэ ис сүрэхтэриттэн ыарахан күннэргэ биир дойдулаахтарыгар көмөлөспүттэрин, туора турбатахтарын бэлиэтиэхпин баҕарабын», — диэн Иннокентий Андросов этэр.

0
0
Telegram @edersaas20