Бүгүн күнүс үс чаастааҕы дааннайынан, муниципальнай быыбардарга дьон кэлиитэ өрөспүүбүлүкэ үрдүнэн 26,15 % тэҥнэстэ. Дьааҥыга, Үөһээ Бүлүүгэ уонна Мэҥэ Хаҥаласка куоластааччылар көхтөөхтүк кыттан иһэллэр.
Балаҕан ыйын 11 күнүгэр бүгүн тоҕус улууска – Абыйга, Үөһээ Бүлүүгэ, Дьааҥыга, Бүлүүгэ, Ленскэйгэ, Мэҥэ Хаҥаласка, Ньурбаҕа, Орто Халымаҕа уонна Томпоҕо – улуус баһылыктара талыллаллар. Дьааҥы, Үөһээ Бүлүү уонна Мэҥэ Хаҥалас улуустарыгар быыбарга дьон кыттыыта, үс чаастааҕы дааннайынан, 44 бырыһыантан тахса. Горнай улууһугар куоластааччылар 45,03 бырыһыаннара кэллэ.
Быыбарга кыттыы Абыйга, Ньурбаҕа 37 бырыһыантан тахса. Оттон Бүлүүгэ дьон кэлиитэ – 35,70%, Орто Халымаҕа – 35,83% Томпоҕо – 32,28%, Ленскэйгэ – 23,51 %.
Аграфена КУЗЬМИНА
+1
+1
+1
+1
+1
+1
+1