Саха Өрөспүүбүлүкэтин Үлэҕэ уонна социальнай сайдыыга министиэристибэтин оробуочай бөлөҕө Дьааҥы улууһугар үлэлиир.
edersaas.ru
Министиэристибэ иһитиннэрбитинэн, куораттан тиийбит исписэлиистэр уонна улуус социальнай көмүскэлгэ управлениетын үлэһиттэрэ үлэҕэ уонна социальнай сайдыыга миниистири солбуйаачы Афанасий Постников салалтатынан кыра дохуоттаах дьоҥҥо аадырыстаммыт көмөнү оҥороллор. Ону тэҥэ кырдьаҕастары, доруобуйаларынан хааччахтаах дьону уонна оҕолору кытары Дьокуускай куорат доруобуйаны чөлүгэр түһэрэр кииннэригэр көрүстүлэр.
Үлэҕэ уонна социальнай сайдыыга министиэристибэ чэрчитинэн, уу содулуттан эмсэҕэлээбит кыра дохуоттаах ыаллар аһылык уонна таҥас-сап ылыналларыгар биир кэмнээх харчынан көмө оҥоһуллар. Аадырыстаммыт көмө кээмэйэ оройуон дьаһалтата биэрбит испииһэгинэн быһаарыллар. Онтон Дьокуускай куорат доруобуйаны чөлүгэр түһэрэр кииннэригэр Дьааҥы 25 олохтооҕо доруобуйатын тупсарынар.
Надежда ЕГОРОВА, «Саха сирэ», edersaas.ru