Дьааҥы улууһун өрүстэрин бүгүн күнүскү туруга

Ааптар: 
Бөлөххө киир:

От ыйын 12 күнүнээҕи, күнүс 12:00 чаастааҕы чахчынан Дьааҥы улууһун үрэхтэрин туруга маннык:

— Дьааҥы улууһун Томтор сэлиэнньэтигэр Дулҕалаах үрэххэ уу таһыма 830 см. (кутталлаах – 960 см.) тэҥнэһэр. Ааспыт сууккаҕа 85 учаастакка уу түспүт, ол иһигэр 50 олорор дьиэҕэ. 10 учаастак билигин даҕаны ууга турар.

— Токума сэлиэнньэтинэн Боруулаах үрэххэ уу таһыма 459 см. тэҥнэһэр (кутталлаах – 460 см.). Манна 26 уһаайбаны уу ылбыт.

— Бөтөҥкөс сэлиэнньэтигэр Адыаччы үрэххэ уу таһыма – 1100 см. (кутталлаах – 1100 см.), 166 уһаайба ууга былдьанан турар.

— Томтор сэлиэнньэтигэр суукка устата 85 уһаайбаттан уу түстэ, ол иһигэр 50 олорор дьиэҕэ.

Саха сиринээҕи Гидрометсулууспа сабаҕалыырынан, чугастааҕы икки сууккаҕа кыратык ардыаҕа. Онон сибээстээн, уу таһыма сыыйа түһүөҕэ, нэһилиэнньэлээх пууннар ууттан босхолонуохтара диэн этэллэр.

Биэдэмэстибэлэр икки ардыларынааҕы оробуочай бөлөх ууттан эмсэҕэлээбит нэһилиэнньэлээх пууннарга гуманитарнай көмөнү тиэрдэр. Ону тэҥэ, нэһилиэнньэни көһөрөллөр, дьон малын-салын, миэбэлин үөһэ таһаараллар. Суһал бөлөх быыһааччылара нэһилиэнньэни куттала суох сиргэ эрэһиинэ тыынан көһөрөр.

Арассыыйа СӨ ЫБММ управлениетын начаалынньыга генерал-майор Павел Гарин:Туох баар миэрэ барыта ылыллар, суукканы эргиччи суһал ыстаап үлэлиир, нэһилиэнньэҕэ иһитиннэрии барар. Бары нэһилиэнньэлээх сирдэргэ быстах кэмҥэ дьону түһэрэр 490 миэстэлээх пууннар тэрилиннилэр, аһылыгынан, эминэн-томунан хааччылыннылар, уопсастыбаннай бэрээдэги көрөр, баһаартан сэрэтэр харабыллар бааллар. Улууска 29 киһилээх бөлөх, икки салгын суудуната үлэлиир. Итиэннэ 25 киһилээх аэромобильнай бөлөх тэриллибитэ. Быыһааччылар нэһилиэнньэҕэ ирдэнэр көмөнү барытын толороллор. Бүгүн Дьааҥы улууһугар иһэр ууну тиэрдээри Дьокуускайтан Арассыыйа ЫБММ Ми-8 бөртөлүөтэ көттө”, — диэн эттэ.

+1
0
+1
0
+1
0
+1
0
+1
0
+1
0
+1
0