Дьааҥы улууһугар РФ ЫБММ-ын Саха сиринээҕи управлениетын уонна СӨ Бырабыыталыстыбатын суһал бөлөхтөрө үлэлииллэр.
Быыһааччылар Хайыһардаах, Дьааҥы уонна Баатаҕай олохтоохторугар көмө оҥоро сылдьаллар. Барыта 175-тэн тахса киһи уонна 34 тиэхиньикэ үлэлиир. Ону тэҥэ, РФ ЫБММ-ын авиацията көмөлөһөр. Ууттан эмсэҕэлээбит нэһилиэнньэҕэ ыраас иһэр уу, бородуукта тиэрдилиннэ. Ону тэҥэ, дьону атын сиргэ көһөрөллөр, уу ылбыт миэбэллэрин өрө тардаллар, дьаһайаллар. Билиҥҥи туругунан Дьааҥы өрүскэ түһэр үрэхтэргэ уу таһыма түһэн эрэрэ биллэр.
Ксения Рахматулина, РФ ЫБММ-ын Саха сиринээҕи управлениетын пресс-сулууспата.
+1
+1
+1
+1
+1
+1
+1