Айылҕа харыстабыла Сүрүн

Дьааҥы оройуонун Хайыһардаах сэлиэнньэтигэр уу түһэн эрэр

Дьааҥы оройуонугар балаһыанньа хайдаҕый? Уу түһэр дуо?

Элгэс нэһилиэгин Хайыһардаах сэлиэнньэтигэр уу таһыма түһэн эрэр. Ууттан 9 тиэргэнтэн иккитэ босхолонно. Олорор дьиэлэр эмсэҕэлээбэтэхтэрэ.

Хайыһардаахха гидропуост суох. Уу таһыма муҥутаан 93 см тиийбитэ, бүгүн – 88 см. Аҕыс чаас устата – 5 см.

Бүгүн бу сэлиэнньэҕэ 12 киһи үлэлиир – Арассыыйа ЫБМ 2 үлэһитэ уонна Саха сиринээҕи быыһыыр сулууспа 10 быыһааччыта.

Быыһааччылар уу түһэрин курдук ханааллары ыраастыыллар. Ону тэҥэ олохтоохторго көмөлөһөллөр.

Халаантан эмсэҕэлээбит Дьааҥы оройуонугар  атын нэһилиэнньэлээх пууннарга бары тиэргэннэр уонна дьиэлэр ууттан босхолоннулар. Хоромньуну ааҕаллар, дьиэни-уоту куурдаллар. Суордаахха, Томторго, Токумаҕа, Бөтөҥкөскө. Ону тэҥэ Верхоянскай куоратыгар чөлүгэр түһэрии үлэтэ барар.

Күнү-дьылы кэтээччилэр сабаҕалааһыннарынан, оройуон сиригэр-уотугар чугастааҕы сууккаҕа сөҥүү түһэрэ күүтүллүбэт. Дьааҥы устатын тухары уу  таһыма сууккаҕа 10-тан 100 см диэри түһэр. Дьааҥы салаатыгар – Сартаҥ, Дулҕалаах, Боруулаах уонна Адыаччы үрэхтэргэ уу эмиэ сыыйа түһэр.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Хаартыска: Арассыыйа ЫБМ управлениетын киэнэ

Бэлэмнээтэ Женни Стрюкова

0
0
Telegram Whatsapp