Маны аах Тыа хаһаайыстыбата

Дьааҥы Үҥкүрүгэр кэтэһиилээх рейс кэллэ

Бу күннэргэ Дьааҥы улууһун Үҥкүрүгэр аһы-үөлү тиэммит кэтэһиилээх сөмөлүөт кэлэн, ыһыаҕы көрсө олохтоохторго дьоһун бэлэҕинэн буолла. Бу туһунан улуус дьаһалтатын пресс-сулууспата иһитиннэрдэ.

Ол курдук, урбаанньыт дьиэ кэргэн  Елена Васильевна уонна  Владимир Христофорович Чириковтар,  Ан-2 сөмөлүөтү арендалаан 1100 киилэ  таһаҕаһы, ол иһигэр фруктаны, оҕуруот аһын, халбаһыны, сымыыты аҕаллылар.

Кэлбит бородууктаны олохтоохтор күн аҥаарынан атыылаһан бүтэрдилэр. Сыһыы Мэйии учаастагар олорор дьоҥҥо эмиэ сибиэһэй аһы-үөлү ыытыахтара.

Бу рейсынан өссө «Яна Продукт» ТХППК үүт аһылыгын аҕалан атыылаатылар.

 

edersaas.ru

0
0