Ил Дархан Айсен Николаев бүгүн, от ыйын 20 күнүгэр, өрөспүүбүлүкэҕэ коронавирус туругун туһунан иһитиннэрэригэр, дьаҥ кэнники кэмҥэ арыый намтаабытын, ол эрээри, билигин да холкутуйар табыллыбатын эттэ.
—Бүтэһик хонукка 46 киһи ыалдьыбыта бэлиэтэнэр. Итинтэн 35 киһи Дьокуускайга, биэс киһи Нерюнгрига уонна улуустарга ыалдьыбыттара бэлиэтэнэр, — диэтэ.
31 киһи ыарахан туруктаах, итинтэн 4 киһи ИВЛ аппараатыгар холбоммут.
Ыалдьыбыт дьон үксэ Дьокуускай куоракка бэлиэтэнэллэр. Маныаха Ил Дархан уулуссаҕа мааскалаах сылдьарга, ирдэбили тутуһарга эттэ. Итини сэргэ, ханна да тоҕуоруспат, мустубат ордугун, дьаҥы бохсуу бэйэбититтэн тутулуктаах буоларын бэлиэтээтэ.
Улуустарга Дьокуускайтан барыта 11 тыһыынчаттан тахса оҕо сайыҥҥы каникулга сынньана барбыта бэлиэтэммит. Оттон бу кэнники нэдиэлэҕэ 1417 оҕо тыа сиригэр тиийбит. Дьаҥы бохсор туһуттан доруобуйа харыстабылын үлэһиттэрэ хас биирдии оҕоҕо болҕомтолорун уураллара этилиннэ.
+1
+1
+1
+1
+1
+1
+1