Бүгүн, бэс ыйын 26 күнүгэр, брифиҥҥэ Ил Дархан Айсен Николаев, коронавирус дьаҥыттан үтүөрээччи киһи ахсаана элбээн иһэрин бэлиэтээн эттэ.
Төһө да бу сыстыганнаах дьаҥ ааһа-араҕа охсон биэрбэтэҕин иһин, үтүөрээччи ахсаана сыыйа элбиир.
—Кэнники биир хонукка 101 киһи коронавирустан үтүөрдэ. Оттон бу дьаҥ өрөспүүбүлүкэҕэ туруоҕуттан үтүөрбүт киһи ахсаана 72,5% , — диэтэ. Ол эрээри, хомойуох иһин, күн бүгүҥҥү иһитиннэриинэн, 33 киһи ыарахан туруктаах сытар. Элбэх киһи ИВЛ аппараатыгар холбоммут.
Ил Дархан бэйэ-бэйэҕэ болҕомтолоохтук, харыстабыллаахтык сыһыаннаһарга, ордук аҕам саастаахтары харыстыырга эттэ. Санитарнай ирдэбиллэри тутуһары, булгуччу мааскалаах сылдьары тоһоҕолоото.
+1
+1
+1
+1
+1
+1
+1