Дьаҥнаатыбыт дии санаатаххытына

Ааптар: 
Бөлөххө киир:

Коронавирус дьаҥа эмиэ өрө барда. Онон долгуйарга төрүөттэр бааллар. Өскөтүн ыарыйдыбыт дии санаатаххытына тугу гыныахтааххытый? Маны болҕойон көрүҥ.

Өскөтүн кыраадыскыт  37,5  үөһээ буоллаҕына уонна улаханнык тымныйдаххытына:

— сөтөлгүт кураанах (сухой) эбэтэр силгит аҕыйах буоллаҕына;
— аҕылыыр, агдаҕытыгар, түөскүтүгэр тыынарга ыарахан буоллаҕына;
—күөмэйгит ыалдьар, тумуулаабыт буоллаххытына уонна атын катаральнай сибикилэр (мөлтөөһүн, сэниэтэ суох буолуу, төбө ыалдьар, аносмия, дисгевзия, конъюнктивит, былчыҥ ыалдьар буоллаҕына, тирииҥ ымынахтаннаҕына, хотуолуур, диареялаах буоллаххытына) билиннэхтэринэ.

Маннык түгэҥҥэ киһи бэйэтин тута хааччахтаныахтаах, ыраахтан олорон үлэҕэ көһүөхтээх.

Уопсастыбаннай миэстэҕэ сылдьыа суохтаах, доҕотторун, чугас дьонун кытары көрсөрүн тохтотуохтаах.

Олорор аадырыһынан поликлиникаттан бырааһы дьиэтигэр ыҥырыахтаах.

Дьиэҕэ бырааһы ыҥырарга Докуускай куорат поликлиникаларын төлөпүөннэрэ:
Дьокуускай к. мэдиссиинэ киинэ — 500-003;
Поликлиника №1 – 31-90-93;
Дьокуускай к. балыыһа №2 – 21-96-95;
Дьокуускай куораттааҕы балыыһа №3 – 507-507;
Өрөспүүбүлүкэтээҕи килиниичэскэй балыыһа №3 – 507-211.

Быраас ыарыһаҕы көрөр уонна федеральнай халыыпка сөп түбэһиннэрэн оҥоһуллубут алгоритмынан быһаарыы оҥорор.

Бу үөһээ ыйыллыбыт сибикилэртэн икки сибикитэ киһиэхэ баар буоллаҕына, уонна  бииргэ олорор дьонугар кутталлаах балаһыанньаҕа киирэр дьонноох буоллаҕына:
— 65 үөһээ саастаах киһи дьиэ кэргэҥҥэ баар буоллаҕына
—ОРВИ фонугар дьарҕа ыарыылаах дьон (дьарҕарбыт сүрэх ыарыылаах, сахарнай диабеттаах, тыынар уоргана ыалдьар (бронхиальнай астма, дьарҕарбыт обструктивнай тыҥа ыарыылаах) баар буоллахтарына

—ийэ буолаары сылдьар дьахтар баар буоллаҕына

Быраас быһаарыы оҥорор. Пациент тыынара холку уонна температурата 38,5 кыраадыстан намыһах буоллаҕына, дьиэтигэр хаалар.

Быраас ыҥырдаххытына кэлбэт түгэнигэр, СӨ Доруобуа харыстабылын министиэристибэтин «суһал линиятыгар» 8 800 100 14 03 нүөмэргэ эрийиҥ.

СӨ Доруобуйа харыстабылын министиэристибэтин пресс-сулууспата

+1
0
+1
0
+1
0
+1
0
+1
0
+1
0
+1
0