Коронавируһу тарҕаппат туһуттан, Уус Алдан улууһун Дүпсүн нэһиэгин дьоно-сэргэтэ өссө күүскэ сомоҕолоһор.
Биһиэхэ олохтоох бибилэтиэкэ сэбиэдиссэйэ Парасковья Сивцева бу туһунан маннык иһитиннэрдэ:
— Бу кутталлаах дьаҥ тарҕамматын диэн, биһиги нэһилиэкпит дьоно өссө күүскэ сомоҕолостулар. Олохтоохтор, дойдулаахтарбыт ис сүрэхтэриттэн нэһилиэкпит балыыһатыгар көмөлөрүн салгыыллара барыбытын долгутар, үөрдэр. Маннык дьонноохпутунан киэн туттабыт.
Ол курдук кэнники күннэргэ «Кэскил», «Уоттаах» түөлбэлэр олохтоохторо, нэһилиэк биирдиилээн дьоно, дьиэ кэргэттэрэ, Дьокуускайга олорор дойдулаахтарбыт көмөлөстүлэр, өйөбүл буоллулар. Ким харчынан, аһыыр иһит наборунан, мэдиссиинискэй наадалаах малынан-салынан. Өссө тугу гыныахха диэн толкуйдууллар, санааларын үллэстэллэр. «Бары туруннахпытына, түмсүүлээх буоллахпытына, бу дьаҥы кыйдыахпыт, төрүт чугаһатыахпыт суоҕа!»— дииллэр.
Амбулатория кэлэктиибэ өйөбүл буолбут дьонугар-сэргэтигэр улахан махталын тиэрдэр. Киирбит харчынан эми-тому, наадалаах араас тэрили Дьокуускайтан эбии үлэһэн ылаллар.
Хаартыскалар: Дүпсүн амбулаториятыттан