СӨ Урбааҥҥа министиэристибэтэ «Зима начинается с Якутии» диэн өрөспүүбүлүкэтээҕи бэстибээл чэрчитинэн, «Охота на Северное сияние» диэн онлайн-куонкуруһу тэрийэр.
Ол курдук, айылҕа ураты көстүүтүн – дьүкээбили – хаартыскаҕа түһэрэн үйэтиппикитин бу куонкуруска ыытан кыттыаххытын сөп. Тэрээһин министиэристибэ Instagram-аккаунугар ыытыллар, икки номинациялаах:
— «Дьүкээбили түһэриигэ бастыҥ хаартыска»:
— «Дьүкээбили бастыҥ видео-устуу».
Куонкуруска кыттыы судургу:
— Сэтинньи 21 күнүгэр диэри minpred@sakha.gov.ru диэн электроннай почтаҕа үлэҕитин уонна сайаапкаҕытын ыытаҕыт;
— Instagram @minpred_official диэҥҥэ регистрацияланаҕыт;
— Сэтинньи 30 күнүгэр диэри норуот куоластааһына ыытыллар;
— Куоластааччылар бары тустаах аккауҥҥа регистрацияламмыт буолуохтаахтар;
— Икки номинацияҕа кыайыылаахтары «Зима начинается с Якутии» бэстибээл кэмигэр биллэриэхтэрэ. Кыайыылаахтары сыаналаах бириистэр күүтэллэр.
edersaas.ru