“Дьүөгэлиин сэһэргэһиэх”

Бөлөххө киир:

Чурапчы нэһилиэгэ, үтүө үгэс быһыытынан, сааскы бастакы бырааһынньыкка кэрэ аҥаардарыгар, далбар хотуттарыгар умнуллубат кэрэ түгэннэри бэлэхтиир. 

edersaas.ru

Бастатан туран, нэһилиэк, улуус, өрөспүүбүлүкэ биир бастыҥ уопсастыбанньыга, СӨ Уопсастыбаннай палаататын чилиэнэ, СӨ Ил Дарханын итэҕэллээх киһитэ Екатерина Иванова  «Дьүөгэлиин сэһэргэһиэх» диэн бэрт дириҥ ис-хоһоонноох, интэриэһинэй, истиҥ-иһирэх көрсүһүүнү иилээн-саҕалаан ыытта. Манна  чурапчылар күндү ыалдьыттара, саха норуодунай худуоһунньуга, уран тарбахтаах уус  Анна Зверева, Арассыыйа  маастар-асчыта, Арассыыйа  потребкооперациятын туйгуна, СӨ хааччыйыы эйгэтин үтүөлээх үлэһитэ, Чурапчы улууһун бочуоттаах олохтооҕо Капиталина Городецкая,

СӨ социальнай сулууспатын туйгуна Лилия Гоголева,  “Аҕам, ийэм уонна мин – спортивнай дьиэ кэргэн” өрөспүүбүлүкэтээҕи күрэхтэһиигэ 3-с миэстэлээх, улууска “Хаар айан -2018” кыайыылааҕа Ирина  Баранкевич уонна СӨ үөрэҕириитин  туйгуна, “СӨ физкультуратын уонна спордун сайдыытыгар кылаатын иһин” бэлиэ хаһаайката Саргылана Оконешникова  кыттыыны ыллылар.

Маннык үтүө дьоннордоох улуус, чахчы даҕаны, инники күөҥҥэ сылдьыан сылдьар эбит, диэн киһи өссө төгүл итэҕэйэр.

 

Өссө биир олус дьоһуннаах, долгутуулаах түгэнинэн, Чурапчы нэһилиэгин дэгиттэр талааннаахтарыгар, хаһаайка бастыҥнарыгар, күүстээх санаалаах, дойдуларын туһугар туруулаһан үлэлиир холобур буолар кэрэ аҥардарга 9 эйгэ анал ааты туттарыы буолла.

 

Кыайыылаахтары эҕэрдэлиибит!

 

  • Чел олох – спорт эйгэтин «Чиргэл кылаан хотун» анал аат хаһаайкатынан буолла Галина Дьячковская – “Маарыкчаан” ТОС. Спорду, чөл олоҕу өрө тутан, олоҕун устун аргыс оҥостор ытык киһи – СӨ Бочуоттаах бэтэрээнэ, СӨ Учууталлар учууталлара, үлэ бэтэрээнэ.
  • Кэрэ эйгэҕэ «Сандал Хотун» анал хаһаайкатынан буолла Галина Игнатьева – “Чаран” ТОС —  1000 оҕолоох  хору туруорар бастыҥ хормейстер.
  • Талба талаан тарбахтардаах эйгэ «Мандар иэйии хотун» анал аатын ылла Татьяна Григорьева-Баишева – “Мурун Тыымпыйа” ТОС.
  • Хаһаастаах хаһаайка эйгэ «Далбардаах сириэдийэ хотун» анал аат туттарыллар Анна Павловаҕа – “Спортивнай” ТОС.
  • Бастын кэтэх хаһаайыстыбалаах «Тирэх холбоһуктаах Талба Хотун»Евдокия Лазарева, “Куоҕалы” ТОС, СӨ үтүөлээх экэнэмииһэ. Түөлбэ салайааччыта.
  • Бастын тэлгэһэлээх «Тилэри Хотун» — Ирина Новгородова. Молодежнай” ТОС.
  • Үтүө дьыала. Үтүө санаа «Күндүл Хотун» — Наталья Иванова. “Куо5алы” ТОС.
  • Бастыҥ уопсастыбанньысса – «Көх-нэм кичэл хотун» Наталья Захарова. Центральны” ТОС. Киин библиотека солбуллубат үлэһитэ.
  • Бастын кэнчээри ыччаттардаах «Ытык мааны хотун»Людмила Винокурова. “Спортивнай” ТОС – СӨ үтүөлээх учуутала, Норуот үөрэҕиритин туйгуна.

Татьяна МАРКОВА.

 

 

Григорий Турантаев хаартыскаҕа түһэриитигэр: Номинация кыайыылаахтарын “Чурапчыына” Дьахталлар сүбэлэрин бэрэссэдээтэлэ Оксана Оконешникова (ортоку) эҕэрдэлээтэ.

 

 

 

 

 

 

 

+1
0
+1
0
+1
0
+1
0
+1
0
+1
0
+1
0