COVID-19 туһунан сымыйа сураҕы тарҕаппыт киһи эппиэтинэскэ тардыллыаҕа
Коронавирус туһунан сымыйа сураҕы тарҕаппыт дьон административнай уонна холуобунай эппиэтинэскэ тардыллыахтара диэн бырабыыталыстыба бэрэссэдээтэлин солбуйааччы Ольга Балабкина иһитиннэрдэ.
«Өрөспүүбүлүкэ суһал ыстааба гражданнар социальнай ситимнэринэн тарҕатар хас биирдии иһитиннэриилэрин кэтиир. Бу өрөбүллэргэ сымыйа сурах тарҕанна. Онон, маннык хабааннаах сонуну, сураҕы тарҕатар дьон административнай уонна холуобунай эппиэтинэскэ тардыллыахтара диэн санатабын. ИДьМ үлэһиттэрэ маны барытын кэтииллэр», — диэн Ольга Валерьевна эттэ.
Кини этэринэн, Саха сиригэр сымыйа сураҕы тарҕаппыт дьон номнуо административнай эппиэтинэскэ тардыллыбыттар.
edersaas.ru
+1
+1
+1
+1
+1
+1
+1