Доруобуйа

COVID-19 ыарыыны анаалыс эрэ быһаарар

Эмчиттэр бэлиэтииллэринэн, сыстыганнаах дьаҥынан ыалдьыбыт киһини анаалыс эрэ түмүгүнэн быһаарар кыахтааххын.

Ол курдук, ыалдьыбыт дьон сүрүннээн кыраадыстара тахсыбатыттан (78%) уонна сөтөллүүллэриттэн (57%) “ыарыйдыбыт” дии санаан эмчиккэ тиийбиттэр. Үгүстэр сыты билбэт буолбуттарыттан дьаҥҥа сутуллубуттарын сэрэйбиттэр. Ыалдьыбыт дьон 15-40% — быччыҥнара, сүһүөхтэрэ, төбөлөрө ыалдьан, 20% ыарыһах истэрэ ыалдьан, сүрэхтэрэ көбөн бырааһы ыҥырбыттар.

Бу маннык ыалдьыбыт дьон бары сыстыганнаах дьаҥҥа ылларбыттарынан ааҕыллыбаттар. Сорох түбэлтэҕэ тымныйыы холобура эмиэ баар. Онон анаалыс эрэ ыарыыны чопчу быһаарар кыахтаах. Бу туһунан РИА-ҕа Роспотребнадзор киин научнай чинчийэр институтун клиническэй-аналитической үлэҕэ дириэктэрэ Наталья Пшеничная иһитиннэрдэ.

Инфекционист Евгений Тимаков бэлиэтииринэн,  COVID-19 кэлэр икки сыл устата сүтүө суоҕа. Аналитик этэринэн, Арассыыйаҕа коронавирус төрдүс долгуна иһэр.

 

 

Елена ПОТОЦКАЯ, “Саха сирэ” хаһыат.

Хаартыска — СИА

0
0