COVID-19 туһунан сымыйа сураҕы тарҕаппыт киһи эппиэтинэскэ тардыллыаҕа
27.11.2020
Коронавирус туһунан сымыйа сураҕы тарҕаппыт дьон административнай уонна холуобунай эппиэтинэскэ тардыллыахтара диэн бырабыыталыстыба бэрэссэдээтэлин солбуйааччы Ольга Балабкина ааспыт нэдиэлэҕэ иһитиннэрбитэ.
«Өрөспүүбүлүкэ суһал ыстааба гражданнар социальнай ситимнэринэн тарҕатар хас биирдии иһитиннэриилэрин кэтиир. Бу ый саҕаланыыта сымыйа сурах тарҕаммыта. Онон, маннык хабааннаах сонуну, сураҕы тарҕатар дьон административнай уонна холуобунай эппиэтинэскэ тардыллыахтара диэн санатабын. ИДьМ үлэһиттэрэ маны барытын кэтииллэр», — диэн Ольга Валерьевна брифиҥҥэ иһитиннэрбитэ.
Кини этэринэн, Саха сиригэр сымыйа сураҕы тарҕаппыт дьон номнуо административнай эппиэтинэскэ тардыллыбыттар.
edersaas.ru
+1
+1
+1
+1
+1
+1
+1