Cоциальнай хантараакка уларыйыылар киирдилэр
· - Олох-дьаһах - Саха ыала

Cоциальнай хантараакка уларыйыылар киирдилэр

Кэлэр сылга сэттэ тыһыынчаттан тахса кыаммат ыал социальнай хантараак көмөтүнэн судаарыстыбаттан көмөнү ылыахтара.

Социальнай хантараак туһунан бырабыыталыстыба уурааҕар уларыйыылар киирдилэр. Ол чэрчитинэн, өрөспүүбүлүкэ федеральнай бүддьүөттэн 277,08 мөлүйүөн солкуобайы ылыаҕа. Онуоха эбии өрөспүүбүлүкэттэн 2021 сылга 330 мөлүйүөн солкуобай көрүллэн, барыта 607,1 мөлүйүөн солкуобай социальнай хантараакка ыытыллыаҕа. Онон маннык көмө көдьүүстээҕэ көстөн, быйыл хаһааҥҥытааҕар да элбэх үп көрүлүннэ. Үлэтэ суох хаалбыт, ыарахан балаһыанньаҕа киирбит дьон маны мүлчү тутумуохтарын наада.

Балаһыанньа быһыытынан, социальнай хантараагы бэйэ дьыалатын арынарга, хаһаайыстыбаны сайыннарарга, ыарахан балаһыанньаттан тахсарга туһаныахха сөп. Онтон уларыйыы киирбитинэн, эбии үлэ көрдүүргэ, үөрэнэргэ, идэ ыларга туһаныахха сөп буолла. Ону тэҥэ, ый аайы уонна биирдэ бэриллэр төлөбүрдэри быһаарарга, эбээһинэстэргэ, ирдэбиллэри туруорууга уларыйыылар 2021 сыл тохсунньутуттан киирдилэр.

Бүгүҥҥү күҥҥэ 190,6 мөлүйүөн солкуобай суумалаах социальнай хантараагы 4 тыһыынчаттан тахса киһи ылан туһаммыт. Ол иһигэр 765 ыал бэйэ дьыалатын сайыннарарга, хаһаайыстыбатын улаатыннарарга ылбыт, 3257 ыал ыарахан балаһыанньаттан тахсарга туһаммыт.

Ангелина Васильева, “Саха сирэ” хаһыат, edersaas.ru

Хаартыска: интэриниэттэн

1
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

6 + семь =