Олунньу 20 күнүттэн муус устар ыйга диэри Бүлүү улууһугар «Чыычаахтары аһатыҥ» диэн экологическай аахсыйа үлэтин саҕалаата. Бу кэмҥэ Айылҕа харыстабылын инспектордара оҕо уһуйааннарыгар уонна оскуолаларга сылдьан, тулалыыр эйгэҕэ харыстабыллаах сыһыан туһунан кэпсиэхтэрэ.
Аахсыйа бастакы күнүгэр улуус оскуолаларын уонна уһуйааннарын оҕолоругар «Чыычаахтары аһатыҥ» диэн күрэс биллэрилиннэ. Күрэс түөрт түһүмэҕинэн ыытыллыаҕа: «Агитационнай листовка», «Көтөрдөр остолобуойдара», «Иккис сырьеттан оҥоһук» уонна «Чыычаахтар күннэрин бастыҥ тэрийии». Күрэһи кыттыгас тэрийээччи «Бүлүү күөх кура» диэн Дмитрий Макаров аатынан кэммиэрчэскэйэ суох экологическай пуонда үлэлэһэр.
«Саха сирэ», edersaas.ru
+1
+1
+1
+1
+1
+1
+1