«Импульс» НПО Дьокуускай – Магадан хайысхатынан оптическай утаҕы тутар бырайыагар олоҕуран, «Халыма» федеральнай суол кытыытыгар олорор нэһилиэктэр үгүстэрэ түргэн сырыылаах интэриниэтинэн хааччылыннылар.
Анивера Акимова, «Саха сирэ» хаһыат, https://edersaas.ru/
Аҕыйах хонугунан оптика Уус Ньараҕа тиийэн, салгыы Магадаҥҥа ааһыахтаах.
Интэриниэти уонна аныгы информационнай технологиялары киллэриигэ Таатта улууһа былааннаахтык үлэлиир. Дьаһалта исписэлииһэ Анна Яковлева иһитиннэрбитинэн, былырыын сайын Кыйы, Чөркөөх, Победа, Ытык Күөл нэһилиэктэрэ оптическай утах ситимигэр холбоммуттар. Быйыл эмиэ сибээһинэн хааччыллыыга бары күүстэрин ууран үлэлии сылдьаллар.
Бу күннэргэ улуус баһылыгын солбуйааччы А.И. Попов «Импульс» тэрилтэ салайааччыта Георгий Терону кытары көрсөн, Харбалаах, Чычымах, Чымынаайы нэһилиэктэригэр оптиканы холбуурга бырайыак барылын оҥордулар.
Улууска оптическай утах тардыллыаҕыттан, суотабай оператордар үлэлэрэ тубуста. Ол курдук, МТС-тар түргэн сырыылаах «4G» интэриниэтинэн хааччыйдылар.
Анивера Акимова, «Саха сирэ» хаһыат, https://edersaas.ru/