Бу күннэргэ Чурапчы улууһун нэһилиэктэригэр улуус олохтоохторун күүс өттүнэн хоту оройуоннарга көһөрүү 80 сылын бэлиэтииллэр.
Чурапчы Чыаппаратыгар дьону хоту көһөрүү 80 сылын көрсө Чурапчы улууһуттан Алаҕар, Бахсы, Төлөй, Мугудай, Мэҥэ Хаҥалас нэһилиэктэриттэн Дьабыыл, Балыктаах бэрэстэбиитэллэрин ыҥыран, көһөрүү күнүгэр анаммыт кутурҕан миитинин тэрийдилэр.
Төгүрүк остуол тула олорон, ол ыар сыллары санаатылар, Көһөрүү киинэтин көрдүлэр.
Олохтоохтор ыалдьыттарын чэйдэтэн, саламааттаах алаадьынан күндүлээн ыыттылар.
Өрөспүүбүлүкэ киин куоратыттан Ытык Сүбэ салайааччыта Люлия Григорьева, Матвей Мучин, Иннокентий Аммосов, улуус дьаһалтатыттан Мария Кронникова сырыттылар, санааларын эттилэр.
Төһө да кэм аастар, Чурапчы олохтоохторугар көһөрүү ыар сыллара санааларыттан сүппэт, өйдөрүттэн арахсыбат кутурҕан өйдөбүл.
Елена ПОТОЦКАЯ, «Саха сирэ» хаһыат.